Úkimet úiinde Qazaqstan Respýblikasynyń Premer-ministri Baqytjan Saǵyntaevtyń Aziia damý bankiniń vitse-prezidenti Venchai Jangpen kezdesýi ótti, dep habarlaidy "Ult aqparat" primeminister.kz portalyna silteme jasap.
Talqylaýdyń basty taqyryby Aziia damý bankiniń Qazaqstanǵa arnalǵan 2017-2021 jyldarǵa jańa Eldik seriktestik strategiiasynyń jobasy boldy.
Kezdesý barysynda strategiia jobasynyń basym baǵyttary qarastyryldy, onyń ishinde qarjy sektoryn nyǵaitý, turaqty ósimdi qoldaý jáne jańa jumys oryndaryn ashý maqsatynda básekege qabilettilikti arttyrý jáne ekonomikany ártaraptandyrýdy jalǵastyrý, infraqurylymǵa investitsiialardy qoldaý, kásipkerlikti damytý jáne ekonomikalyq ósimniń draiverleriniń biri retinde jeke kapital tartý.
Sonymen qatar, densaýlyq saqtaý júiesin qaita retteý, aýyl aýmaqtaryn damytý, klimattyń ózgerýi, sondai-aq týrizm jáne energetika salalaryndaǵy yntymaqtastyq máseleleri talqylandy.
Aziia damý bankiniń vitse-prezidenti V. Jang EKSPO-2017 kórmesiniń aiaqtalýyna, iaǵni qyrkúiekte Almaty qalasynda óńirlik bilimder ortalyǵyn ashý josparlanǵanyn atap ótti, onyń bazasynda zertteýler júrgiziledi, sondai-aq Qazaqstandaǵy institýtsionaldyq áleýetti damytýǵa járdem kórsetiledi.
