Almaty ákimi Baqytjan Saǵyntaev qaza tapqan azamattardyń otbasyna bardy, dep habarlaidy "Ult aqparat".
Qala ákimi Alataý aýdanyndaǵy qaiǵyly oqiǵadan qaza tapqan azamattardyń týysqandary men jaqyndaryna kóńil aitty.
Buǵan deiin Baqytjan Saǵyntaev olardyń otbasyna tiisti kómek kórsetiletini týraly aitqan bolatyn.
Aita keteiik, 20 qyrkúiekte keshke 54 jastaǵy er adam úiden shyǵarý týraly sot sheshimin oryndaýǵa kelgen sot oryndaýshylaryna, politsiia qyzmetkerlerine jáne aýlada bolǵan ózge eki adamǵa ańshy myltyǵynan oq jaýdyrǵan. Nátijesinde bes adam qaza tapty. Olar: eki politsiia qyzmetkeri, bir jeke sot oryndaýshysy jáne eki turǵyn, olardyń biri - úidiń jańa iesi, ekinshisi - onyń tanysy.
1967 jyly týǵan kúdikti ustaldy. Ol 20 jylǵa nemese ómir boiyna deiin bas bostandyǵynan aiyrylýy múmkin.
