Búgin Úkimet úiinde QR Premer-Ministri Baqytjan Saǵyntaev Qazaqstannyń Úshinshi jańǵyrýyn jobalyq basqarý aiasynda osyǵan deiin atqarylǵan jumystardyń jai-kúii jóninde keńes ótti, dep habarlaidy primeminister.kz.
Keńes barysynda Atyraý oblysy jáne Almaty qalasy ákimdikteriniń jobalyq basqarý baǵyttary turǵysynan bastamalar boiynsha is-sharalardy oryndaý jáne indikatorlarǵa qol jetkizý máseleleri talqylandy.
Atap aitqanda, kólik jáne logistikany, AÓK, otyn-energetika keshenin, týrizmdi, saýdany, bilim berý, densaýlyq saqtaý salalaryn, jappai kásipkerlikti damytý, indýstriialandyrýdy júrgizý, ekonomika salalaryn tsifrlandyrý jáne AKT salalaryn damytý, investitsiialardy tartý jáne ónimdi jumyspen qamtamasyz etý boiynsha 2018 jyldyń ekinshi jartysyna arnalǵan josparlar men alǵashqy alty aidaǵy jobalar portfelderin iske asyrý jumystarynyń aldyn-ala qorytyndylary qaraldy.
Óz sózderinde Atyraý oblysynyń ákimi N. Noǵaev pen Astana q. ákimi Á. Isekeshev óńirdiń jáne astananyń negizgi áleýmettik-ekonomikalyq kórsetkishteri týraly baiandady. Ekonomikalyq ósimniń jańa modelin qalyptastyrý máselesine erekshe kóńil bólindi.
Keńeske QR Premer-Ministriniń orynbasary E. Dosaev, ulttyq ekonomika ministri T. Súleimenov, energetika ministri Q. Bozymbaev, densaýlyq saqtaý ministri E. Birtanov, eńbek jáne halyqty áleýmettik qorǵaý ministri M. Ábilqasymova qatysty. Sondai-aq, beinekonferentsiia bailanysy arqyly investitsiialar jáne damý ministri J. Qasymbek, mádeniet jáne sport ministri A. Muhamediuly, aqparat jáne kommýnikatsiialar ministri D. Abaev, aýyl sharýashylyǵy vitse-ministri G. Isaeva, bilim jáne ǵylym vitse-ministri B. Asylova qatysty.
