Keshe QR Premer-Ministri Baqytjan Saǵyntaev óńirlerdiń ekonomika salasyn tsifrlandyrýy men aqparattyq tehnologiialardy damytýy boiynsha esepti tyńdady.
Atalǵan keńeste Qazaqstannyń Úshinshi jańǵyrýyn jobalyq basqarý aiasynda osyǵan deiin atqarylǵan jumystardyń jai-kúii talqylandy.
Jinalys barysynda Atyraý oblysy jáne Almaty qalasy ákimdikteriniń jobalyq basqarý baǵyttary turǵysynan bastamalar boiynsha is-sharalardy oryndaý men indikatorlarǵa qol jetkizý máseleleri qozǵaldy.
Atap aitqanda, 2018 jyldyń ekinshi jartysyna arnalǵan josparlar qaralyp, ótken 6 ai boiynsha atqarylǵan jumystar týraly qorytyndy qaraldy. Ol baǵyttar: kólik jáne logistika, AÓK, otyn-energetika kesheni, týrizm, saýda, bilim berý, densaýlyq saqtaý salalary, jappai kásipkerlikti damytý. Sonymen qatar, indýstriialandyrýdy júrgizý, ekonomika salalaryn tsifrlandyrý jáne AKT salalaryn damytý, investitsiialardy tartý jáne ónimdi jumyspen qamtamasyz etý jumystary kiredi.
Atyraý oblysynyń ákimi N. Noǵaev pen Astana q. ákimi Á. Isekeshev óńirdiń jáne Astananyń negizgi áleýmettik-ekonomikalyq kórsetkishteri týraly baiandap, ekonomikalyq ósimniń jańa modelin qalyptastyrý máselesine erekshe kóńil bóldi.
Keńeske QR Premer-Ministrdiń orynbasary E. Dosaev, ulttyq ekonomika ministri T. Súleimenov, energetika ministri Q. Bozymbaev, densaýlyq saqtaý ministri E. Birtanov, eńbek jáne halyqty áleýmettik qorǵaý ministri M. Ábilqasymova qatysty. Sondai-aq, beinekonferentsiia bailanysy arqyly investitsiialar jáne damý ministri J. Qasymbek, mádeniet jáne sport ministri A. Muhamediuly, aqparat jáne kommýnikatsiialar ministri D. Abaev, aýyl sharýashylyǵy vitse-ministri G. Isaeva, bilim jáne ǵylym vitse-ministri B. Asylova qatysty.
Aita keteiik, «Tsifrlyq Qazaqstan» memlekettik baǵdarlamasynyń aiasynda elimizdiń túkpir-túkpirinde birqatar mańyzdy is-sharalar júzege asyrylýda. Atalǵan baǵdarlama 2017 jyldyń 12 jeltoqsanynda qabyldandy. Joba negizgi 4 baǵyt boiynsha júzege asatyn bolady. Birinshi baǵyt – aýyl-aimaqty keńjolaqty internetpen qamtamasyz etip, Qazaqstannyń tranzittik áleýettin arttyrý. Ekinshi baǵyt – ekonomikanyń salalaryna (kólik jáne logistika, densaýlyq saqtaý, bilim berý, aýyl sharýashylyǵy jáne elektrondy saýda) tsifrlyq tehnologiiany endirý. Úshinshisi – memlekettik organdar jumysynyń sapasyn arttyrý jáne tórtinshi baǵyt – IT-mamandardy daiarlaý.
.jpeg)