Halyqaralyq EKSPO-2017 kórmesi qarsańynda Qazaqstan Respýblikasy Premer-Ministri B.Saǵyntaev Astana áýejaiyn aralap, jańa jolaýshylar terminaldarynyń qurylysy barysymen tanysty, sondai-aq áýejaidyń qoldanystaǵy terminalynyń jumysy týraly baiandamany tyńdady, - dep habarlaidy "Ult aqparat" primeminister.kz portalyna silteme jasap.
Astana áýejaiynyń jolaýshylar terminalyn jóndeý «Nurly jol» baǵdarlamasyn oryndaý aiasynda 2015 jyldyń qańtarynan bastap júrgizilip jatyr. Jobada jalpy aýdany 47 000 sh.m. bolatyn terminal salý qarastyrylǵan, ony aiaqtaǵan soń áýejaidyń ótkizý qabileti jylyna 8,2 mln. astam jolaýshyny quraidy.
1 maýsymǵa qarai jańa terminal birinshi reistiń jolaýshylaryn qabyldaýǵa daiyn bolady dep kútilýde.
Aita keter bolsaq, biyl 10 maýsym men 10 qyrkúiek aralyǵynda Astanada «Bolashaq energiiasy» taqyrybymen Halyqaralyq EKSPO-2017 kórmesi ótedi. Bul kezeńde elordaǵa shetelden jáne Qazaqstan oblystarynan 2 millionǵa jýyq týrist keledi dep kútilýde.
