حالىقارالىق ەكسپو-2017 كٶرمەسٸ قارساڭىندا قازاقستان رەسپۋبليكاسى پرەمەر-مينيسترٸ ب.ساعىنتاەۆ استانا ەۋەجايىن ارالاپ, جاڭا جولاۋشىلار تەرمينالدارىنىڭ قۇرىلىسى بارىسىمەن تانىستى, سونداي-اق ەۋەجايدىڭ قولدانىستاعى تەرمينالىنىڭ جۇمىسى تۋرالى باياندامانى تىڭدادى, - دەپ حابارلايدى "ۇلت اقپارات" primeminister.kz پورتالىنا سٸلتەمە جاساپ.
استانا ەۋەجايىنىڭ جولاۋشىلار تەرمينالىن جٶندەۋ «نۇرلى جول» باعدارلاماسىن ورىنداۋ اياسىندا 2015 جىلدىڭ قاڭتارىنان باستاپ جٷرگٸزٸلٸپ جاتىر. جوبادا جالپى اۋدانى 47 000 ش.م. بولاتىن تەرمينال سالۋ قاراستىرىلعان, ونى اياقتاعان سوڭ ەۋەجايدىڭ ٶتكٸزۋ قابٸلەتٸ جىلىنا 8,2 ملن. استام جولاۋشىنى قۇرايدى.
1 ماۋسىمعا قاراي جاڭا تەرمينال بٸرٸنشٸ رەيستٸڭ جولاۋشىلارىن قابىلداۋعا دايىن بولادى دەپ كٷتٸلۋدە.
ايتا كەتەر بولساق, بيىل 10 ماۋسىم مەن 10 قىركٷيەك ارالىعىندا استانادا «بولاشاق ەنەرگيياسى» تاقىرىبىمەن حالىقارالىق ەكسپو-2017 كٶرمەسٸ ٶتەدٸ. بۇل كەزەڭدە ەلورداعا شەتەلدەن جەنە قازاقستان وبلىستارىنان 2 ميلليونعا جۋىق تۋريست كەلەدٸ دەپ كٷتٸلۋدە.
