Qazaqstannyń premer-ministri Baqytjan Saǵyntaev Astana qalasynyń ákimi Áset Isekeshevten Prezident Nursultan Nazarbaevtyń synynan keiin elordada qandai ózgeristerdiń bolǵanyn surady, - dep habarlaidy kaz.tengrinews.kz tilshisi.
"Áset Órentaiulyna (Áset Isekeshev - Astana ákimi) qoiar suraǵym bar. EXPO kórmesine qatysty sońǵy esepte Memleket basshysy múgedek jandardyń áleýmettik nysandarǵa qoljetimdiligine qatysty syn aitqan edi. Sýretter kórsetildi. Endi qandai ózgeristerdiń bolǵanyn bilsek bola ma?", - dedi Saǵyntaev.
Isekeshevtiń aitýynsha, qala biligi barlyq toptaǵy múmkindigi shekteýli jandarmen jumys isteý úshin arnaiy shtab qurdy.
"Qazirgi ýaqytta josparymyzdy túzetip jatyrmyz. Astanada sońǵy tórt jylda nysandardyń 56 paiyzyna tólqujat berildi, 224 nysan qajetti infraqurylymmen qamtamasyz etildi. Árine, suraqtar kóp. Bizdiń josparymyzǵa taǵy da nysandar qosylyp jatyr: mádeni, sporttyq nysandar jáne birinshi kezekte jaiaý júrginshilerge arnalǵan joldar. Sondai-aq, dúkender men kommertsiialyq kásiporyndar", - dedi Astana ákimi.
Sondai-aq, qala ákimi ákimdiktiń Eńbek jáne halyqty áleýmettik qorǵaý ministrliginiń departamentimen birige otyryp arnaiy josparǵa kiriskenin aityp ótti.
