Almaty ákimi Baqytjan Saǵyntaev oqýshylardyń «Almaty daryny» erekshe tósbelgisin belgileý jónindegi usynysyn qoldaitynyn aitty, dep habarlaidy "Ult aqparat".
«Búgin halyqaralyq jáne respýblikalyq olimpiadalar men konkýrstardyń jeńimpazy atanǵan almatylyq oqýshylardy quttyqtadym. Olardyń jeńisi - balalardyń eren eńbeginiń nátijesi, olardyń boiyndaǵy erekshe daryndy ashqan jáne ony durys baǵytqa bura bilgen ata-analar men pedagogtardyń eńbegi», - dep jazdy Baqytjan Saǵyntaev óziniń Instagram-daǵy paraqshasynda.
Onyń aitýynsha, biylǵy jyly 352 oqýshy 28 ziiatkerlik jáne shyǵarmashylyq saiystyń jeńimpazy atandy. Olardyń qorjynynda 90 altyn, 124 kúmis, 138 qola medal bar.
«Bizdiń balalarymyz 11-synyp oqýshylary arasyndaǵy prezidenttik olimpiadada, ǵylymi jobalar boiynsha ótken respýblikalyq baiqaýlarda jáne jalpy pándik olimpiadada komandalyq birinshi oryndy ielenip júr», - dep jazdy ákim.
Baqytjan Saǵyntaev oqýshylardyń «Almaty daryny» erekshe tósbelgisin belgileý jónindegi usynysyna qoldaý bildirdi. Tósbelginiń dizainyn balalardyń ózderi jasaidy. Tósbelgi oqý jyly aiaqtalǵanda oqýshylarǵa tapsyrylady.
