الماتى ەكٸمٸ باقىتجان ساعىنتاەۆ وقۋشىلاردىڭ «الماتى دارىنى» ەرەكشە تٶسبەلگٸسٸن بەلگٸلەۋ جٶنٸندەگٸ ۇسىنىسىن قولدايتىنىن ايتتى, دەپ حابارلايدى "ۇلت اقپارات".
«بٷگٸن حالىقارالىق جەنە رەسپۋبليكالىق وليمپيادالار مەن كونكۋرستاردىڭ جەڭٸمپازى اتانعان الماتىلىق وقۋشىلاردى قۇتتىقتادىم. ولاردىڭ جەڭٸسٸ - بالالاردىڭ ەرەن ەڭبەگٸنٸڭ نەتيجەسٸ, ولاردىڭ بويىنداعى ەرەكشە دارىندى اشقان جەنە ونى دۇرىس باعىتقا بۇرا بٸلگەن اتا-انالار مەن پەداگوگتاردىڭ ەڭبەگٸ», - دەپ جازدى باقىتجان ساعىنتاەۆ ٶزٸنٸڭ Instagram-داعى پاراقشاسىندا.
ونىڭ ايتۋىنشا, بيىلعى جىلى 352 وقۋشى 28 زيياتكەرلٸك جەنە شىعارماشىلىق سايىستىڭ جەڭٸمپازى اتاندى. ولاردىڭ قورجىنىندا 90 التىن, 124 كٷمٸس, 138 قولا مەدال بار.
«بٸزدٸڭ بالالارىمىز 11-سىنىپ وقۋشىلارى اراسىنداعى پرەزيدەنتتٸك وليمپيادادا, عىلىمي جوبالار بويىنشا ٶتكەن رەسپۋبليكالىق بايقاۋلاردا جەنە جالپى پەندٸك وليمپيادادا كوماندالىق بٸرٸنشٸ ورىندى يەلەنٸپ جٷر», - دەپ جازدى ەكٸم.
باقىتجان ساعىنتاەۆ وقۋشىلاردىڭ «الماتى دارىنى» ەرەكشە تٶسبەلگٸسٸن بەلگٸلەۋ جٶنٸندەگٸ ۇسىنىسىنا قولداۋ بٸلدٸردٸ. تٶسبەلگٸنٸڭ ديزاينىن بالالاردىڭ ٶزدەرٸ جاسايدى. تٶسبەلگٸ وقۋ جىلى اياقتالعاندا وقۋشىلارعا تاپسىرىلادى.
