Almaty ákimi Baqytjan Saǵyntaev Áýezov aýdanyndaǵy jeńil ónerkásip oryndary men polietilen qubyryn shyǵaratyn zaýytta boldy, dep habarlaidy "Ult aqparat".
Áýezov aýdanyndaǵy «Spira-Berga» zaýytynda gaz jáne sý qubyrynyń injenerlik jelilerine arnalǵan polietilen qubyrlary shyǵarylady. Zaýyttyń óndiristik qýaty joǵary, munda jylyna 8 myń tonnadan astam ónim daiyndalady. Sondai-aq, 75 jumys orny qurylǵan.
Qala ákimi alty jeli arqyly atqarylatyn óndiris úrdisimen tanysty. Jumys protsesteriniń basym bóligi avtomattandyrylǵan, onyń ishinde tsifrlyq baqylaý jáne barlyq jumys toraptary men agregattarynyń parametrlerin basqarý da bar.
Memlekettik qoldaý sharalarynyń arqasynda kásiporyn óz jabdyqtaryn modernizatsiialaýda. Al, bul, jumys sapasyn arttyryp, qubyrlardy mehanikalyq jáne ýltrakúlgin sáýlelerden zaqymdanýdan qorǵaidy. Zaýyt Almatynyń sý, gaz, káriz qubyrlaryna, sonymen qatar kabelderdi sýarý jáne qurǵatý júielerin qorǵaityn qubyrlarǵa degen suranysyn qamtamasyz ete alady.
Baqytjan Saǵyntaev qubyrlar assortimentin igerýdi jáne «Atameken» ulttyq kásipkerler palatasyna merdigerlik kompaniialarmen birge kásiporyndardyń tapsyrys berý máselesin qarastyrýdy tapsyrdy.
Almaty ákimi «Manýfaktýra 24» JShS áielderdiń dizainerlik kiimder shyǵaratyn óndiristik tsehyna da bardy. Munda 24 adam jumys isteidi.
Shahar basshysy qalaǵ belgili bir taýarlarǵa jáne qyzmetterge degen suranysty qanǵattandyratyn ári sapaly jumys oryndaryn ashatyn osyndai shaǵyn jáne orta biznes kásiporyndarynyń qajet ekenin atap ótti.
