Búgin Almatyǵa jumys sapary barysynda QR Premer-Ministri Baqytjan Saǵyntaev «Atameken» UKP Óńirlik keńesiniń múshelerimen kezdesý ótkizdi, onda shaǵyn jáne orta biznesti damytýdyń ózekti máseleleri men perspektivaly baǵyttary talqylandy, dep habarlaidy "Ult aqparat" primeminister.kz saityna silteme jasap.
Is-shara barysynda QR ulttyq ekonomika ministri Timýr Súleimenov Strategiialyq jospar 2025 jobasy aiasynda biznes ortany damytý týraly baiandama jasady, «Atameken» UKP basqarma tóraǵasy Abylai Myrzahmetov pen UKP óńdeý salasy komitetiniń tóraǵasy Vladimir Bobrov biznestiń memlekettik organdarmen yntymaqtastyǵy jáne memlekettik qoldaý sharalarynyń tiimdiligi máseleleri boiynsha sóz sóiledi.
Óz kezeginde biznes qaýymdastyq tarapynan talqylaýǵa «Astana Group» kompaniialar tobynyń prezidenti Nurlan Smaǵulov, «Technodom Operator» AQ direktorlar keńesiniń tóraǵasy Edýard Kim, «Redprais» JShS quryltaishysy Ramil Mýhoriapov, «Bazis-A» holdinginiń direktorlar keńesiniń tóraǵasy Aleksandr Belovich, «Sentras Kapital» kompaniiasynyń direktorlar keńesiniń tóraǵasy Eldar Ábdirazaqov jáne «Smart Pay» JShS bas direktory Oljas Qundaqbaev sóz sóiledi.
Kezdesý barysynda qatysýshylar sondai-aq birqatar máselelerdi talqylady, onyń ishinde: qalalyq avtobýs baǵdarlaryn sýbsidiialaý, salyqtyq ákimshiliktendirýdi tsifrlandyrý, konsýltativtik-keńestik organdar jumysynyń tiimdiligin arttyrý, jer telimderi týraly aqparatqa onlain-qoljetimdilikti qamtamasyz etý, shaǵyn indýstriialyq aimaqtar qurý, JAO beiindik emes aktivterin naryqtyq ortaǵa aýdarý, sondai-aq Almatyda tolyq formatty Kásipkerlerge qyzmet kórsetý ortalyǵyn ashý.
Baqytjan Saǵyntaev ShOB damytý Úkimet jumysynyń mańyzdy basymdyqtarynyń biri bolyp tabylatynyn, jáne munda negizgi maqsat otandyq biznesti damytýǵa jaǵymdy jaǵdai jasaý ekenin atap ótti.
Bul máselede birqatar baǵyttar boiynsha, atap aitqanda qarjylyq qoldaý kórsetý boiynsha jumys júrgizilýde. Osylaisha, qazirgi ýaqytta biznestiń 13 myńnan astam jobasy qarjylandyryldy, Ónimdi jumyspen qamtý jáne jappai kásipkerlikti damytý baǵdarlamasy qabyldandy, onyń aiasynda ataýly mólsherlemesi 6%-dan aspaityn 18 mln teńgege deiin shaǵyn nesieler usynylady.
Qarjylyq kómekpen qatar, zańnamalyq kómek kórsetiledi — biznesti qaita retteý boiynsha sharalar qabyldanady. Búgingi tańda ruqsattar sany úsh eseden asaǵa qysqardy jáne memlekettik baqylaý jáne qadaǵalaý fýnktsiialaryn tekserý júrgizildi. Ishinara tekserý júrgizýdiń qazirgi tártibi men erekshe tártip boiynsha tekserýlerdiń kóp bóliginen bas tartýdy kózdeitin praktikalyq usynymdar ázirlendi.
Sondai-aq, zańnamany biznestiń memlekettik organdarǵa eseptilik pen málimetterdi usyný turǵysynan tekserý jumystary aiaqtaldy. Júrgizilgen jumystyń birinshi kezeńinde shamamen 1600 aqparattyq talaptardy 30% qysqartý josparlanǵan.
Densaýlyq saqtaý jáne bilim berý nysandary qurylysynyń normativtik-quqyqtyq jáne tehnikalyq aktilerindegi talaptar da mańyzdy ekeni atap ótildi. Atalǵan máselelerdi sheshý úshin jumys toby qyzmet etedi, jáne QNjáneE-ge qajetti ózgerister engiziledi. Kelesi kezeńde densaýlyq saqtaý jáne bilim berý uiymdarynyń 30-dan astam eskirgen sanitarlyq erejelerin alyp tastaý josparlanǵan.
Negizsiz salyqtyq tekserýler boiynsha problemalardy sheshý úshin josparly tekserister sany qysqarady, jetkizýshilerdiń qarsy tekserýleri jáne basqalary alyp tastalady, qorytyndysynda bul tekserýler sanyn 40% qysqartýǵa múmkindik beredi.
Budan ózge, biznestiń memlekettik satyp alýlarǵa jáne kvazimemlekettik sektor satyp alýlaryna qoljetimdiligin qamtamasyz etý boiynsha úlken jumys júrgizildi, bul baǵytta satyp alýlardyń elektrondy alańy, sanattylyq jáne biliktilik aldy irikteý júiesi engizildi. Sondai-aq, árbir júie quraýshy kásiporyn boiynsha jergilikti qamtý úlesin arttyrý jumysy júrgizilýde. Atap aitqanda, ónim nomenklatýrasyn jáne iri kásiporyndarda suranysty qalyptastyrý úshin taldaý júrgiziledi.
Qorytyndylai kele, QR Úkimetine biznestiń damýyna ne kedergi keltiretinin, jáne máselelerdi sheshý úshin memleket tarapynan qandai kómek kórsetile alatynyn bilý mańyzdy ekeni atap ótildi, sonda atalǵan baǵytta keshendi jumysty qalyptastyrýǵa bolady.
