Almaty ákimi Baqytjan Saǵyntaev turǵyndardyń shaǵymynan keiin toǵyz qabatty jataqhananyń qurylysyn toqtatý týraly sheshim qabyldady, dep habarlaidy «Ult aqparat».
Áýezov aýdanyndaǵy «Altyn besik» yqshamaýdanynyń turǵyndary 17 aqpanda ótken Almaty qalasy ákiminiń eseptik kezdesýinde jataqhana salý josparyn qaita qaraý týraly ótinish aityp, qurylys alańyna shaqyrǵan bolatyn.
«Atalǵan jerge baryp, Almaty tehnologiialyq ýniversitetiniń stýdentterine arnalǵan jataqhana ǵimaratyna jer telimin berý týraly qaýlynyń kúshin joiý týraly sheshim qabyldadym. Jýyrda stýdenttik úi úshin basqa qolaily jer qarastyramyz», - dep jazdy Instagram-daǵy paraqshasynda Saǵyntaev.
Onyń aitýynsha, endi bul jerge 120 oryndyq balabaqsha, sport jáne vorkaýt alańdary salynady.
«Ata-analar balalarǵa arnalǵan qosymsha oqytý men damytý ortalyqtaryn qurý qajettigin aitty. Bul rette «Shyńǵa Órleý» áleýmettik klýbtarynyń tájiribesi negizinde tegin úiirmeler men sport sektsiialaryn ashamyz», - dep atap ótti Almaty ákimi.
Áýezov aýdanyna jumys sapary barysynda qala ákimi yqshamaýdannyń qurylys salýǵa tyiym salynǵan aimaqtarda ornalasqan bos jerlerin de qarap shyqty. Munda jaily jasyl qoǵamdyq oryndardy qurý josparlanyp otyr.
Eske salsaq, Nazarbaev dańǵylynda turatyn turǵyndardyń ótinishteri boiynsha Saǵyntaevtyń sheshimimen turǵyn úi kesheniniń qurylysy toqtatylǵan bolatyn.
