Megapolis aktiviniń otyrysynda Almaty ákimi Baqytjan Saǵyntaev Memleket basshysynyń Joldaýynda qoiylǵan tsifrlandyrý men IT salasyn damytý jónindegi mindetterdiń sheshimi týraly aitty, dep habarlaidy QazAqparat.
Memleket basshysy Qazaqstannyń Eýraziia aimaǵy ortalyq tsifrlyq habqa ainalýy kerektigin atap ótti.
«Almaty bul mindetti júzege asyrýǵa óz úlesin qosýy tiis. Onyń ústine, ózderińiz bilesizder, ekonomika salasy retinde tsifrlandyrýdy damytý – qala ekonomikasynyń qurylymyn diversifikatsiialaý jónindegi baǵyttyń strategiialyq basymdyǵy», - dedi Baqytjan Saǵyntaev.
Búginde Almatyda memlekettik qyzmetterdiń 97,8% avtomattandyrylǵan. 2025 jylǵa deiin barlyq memlekettik qyzmetterdi smartfonmen elektrondy formatta usyný boiynsha jumys júrgiziletin bolady.
«2025 jylǵa deiin Smart Almaty strategiiasy ázirlendi, qaladaǵy barlyq IT-kompaniialardyń tizimi jasaldy», - dedi Almaty ákimi.
Almatydaǵy IT-qaýymdastyqty qoldaý jáne damytý úshin qalanyń barlyq ýniversitetteri men tehnologiialyq kompaniialaryn biriktiretin biryńǵai bailanys keńistigi iske qosyldy. Jyl sońyna deiin «Frantsýz mektebi 01 úlgisinde» 2 myń adamǵa arnalǵan litsenziiasy bar baǵdarlamalaý mektebin ashý josparlanǵan. Alǵashqy kezdesý kelesi jylǵa josparlanǵan.
Sondai-aq, Almatynyń ár aýdanynda jeke investitsiialardy barynsha tarta otyryp, baǵdarlamalaý, radioelektronika jáne IT-inkýbatorlar mektepterin ashý kózdelgen.
