Búgin Almaty oblysyna jumys sapary barysynda QR Premer-Ministri Baqytjan Saǵyntaev «Qorǵas» shekara mańy yntymaqtastyǵy halyqaralyq ortalyǵynynyń aýmaǵyna bardy, dep habarlaidy primeminister.kz saity.
Onda Qazaqstan-Qytai shekarasyndaǵy Panfilov aýdanynda ornalasqan Nurkent jańa qalasyn damytýdyń bas josparymen tanysty.
«Qorǵas» shekara mańy yntymaqtastyǵy halyqaralyq ortalyǵynyń jáne «Qorǵas - Shyǵys qaqpasy» erkin ekonomikalyq aimaǵyn qurý jobalary memleketaralyq mańyzdaǵy nysandar jáne olar eleýli eńbek resýrstaryn tartýdy qajet etedi, al bul - 36 myńnan 68 myńǵa deiin jańa jumys oryndary. Azamattardyń qolaily ómir súrýin qamtamasyz etý maqsatynda 2013 jyldan bastap Nurkent jańa qalasynyń qurylysy júrgizilip jatyr.
Qalanyń jalpy aýdany - 1460 ga. Premer-Ministr B. Saǵyntaevqa 2035 jylǵa qarai qala halqynyń sany shamamen 99 myń adamdy quraityny aityldy. Sonymen qatar, 2022 jylǵa qarai 1 mln m² astam turǵyn úi (I kezek) paidalanýǵa beriledi - bul shamamen 5 aýdan nemese 50 myń adam. Nurkentte birinshi kezek aiasynda 24 áleýmettik nysan, onyń ishinde 8 mektep, 12 balabaqsha, bir emhana jáne 3 meditsinalyq ortalyq salý kózdelgen.
Almaty oblysy ákimdiginiń qurylys basqarmasynyń basshysy B. Tákenov eki 86 páterlik úi boiynsha jobalyq-smetalyq qujattama 2019 jylǵy naýryzǵa qarai ázir bolatynyn atap ótti. Úshinshi úidiń jospary jeke investor qarajaty esebinen júrgizilip jatyr. II kezek aiasynda 4 myńǵa jýyq adam baspanaly bolady. Turǵyn úi qorynyń jalpy aýdany - 70 myń m².
Budan ózge, «Nurly jer» baǵdarlamasyn iske asyrý aiasynda Panfilov aýdanynyń ákimdigi aýdany 16 815 m² bolatyn tórt 60 páterli arendalyq úidi jobalaý jumystaryn júrgizip jatyr.
Eske sala keteiik, Penjim aýyldyq okrýginiń aýmaǵynda ornalasqan Nurkent aýyly jańa qalany salýdyń bastaýy boldy. Qazirgi tańda munda úsh myńnan astam adam ómir súrýde. «Nurly jer» baǵdarlamasy aiasynda ótken jyly 120 otbasy baspanaly boldy. Sonymen qatar, áleýmettik infraqurylym nysandary: mektep, aýrýhana, balabaqsha bar.
Almaty oblysynda ótken jyly 5079 turǵyn úi (646,1 myń m²) salyndy, sonyń ishinde 3247-si - jeke turǵyn úiler. Biyl 706,6 myń m², sonyń ishinde «Nurly jer» baǵdarlamasy aiasynda 592 páterdi paidalanýǵa berý josparda bar.
Jalpy, Investitsiialar jáne damý ministrliginiń aqparatyna sáikes, elimizde aldaǵy bes jylda «Nurly jer» memlekettik baǵdarlamasy boiynsha 650 myńnan astam turǵyn úi (76,6 mln m²) salý kózdelgen, bul 2 mln-ǵa jýyq azamatty baspanamen qamtamasyz etedi. Azamattardy turǵyn úimen qamtamasyz etýdiń mańyzdy quraly - Memleket basshysynyń «7-20-25» bastamasy, onyń aiasynda bes jyl ishinde 103 myńǵa jýyq azamat baspanaly bola alady. Atalǵan baǵdarlama boiynsha (11.10.2018 jylǵy jaǵdai boiynsha) 28 mlrd teńgege 2352 ótinim maquldandy, sonyń ishinde Almaty oblysynyń halqynan - 55 ipotekalyq qaryz.
.jpeg)