Ulttyq biryńǵai test suraqtary men jaýaptary 100 paiyz qorǵalǵan. Bul týraly búgin Media bilim berýdi damytý máseleleri jónindegi vedomstvoaralyq keńesten soń BAQ ókilderiniń saýalyna jaýap bergen QR Bilim jáne ǵylym ministri Erlan Saǵadiev aitty, dep habarlaidy QazAqparat tilshisi.
Onyń aitýynsha, Ulttyq biryńǵai test suraqtary men jaýaptary memlekettik qupiia sanalady. Sonymen qatar onyń syrtqa taralyp ketpeýin Bilim ministrligimne birge elimizdiń arnaiy organdary da qamtamasyz etedi.
«Jappai syrtqa taralyp ketýi esh ýaqytta bolǵan emes jáne eshqashan bolmaidy dep senemiz. UBT-ǵa deiingi kezeńde stýdentterdi daiyndap, ózderiniń suraqtaryn jasaǵan kompaniialar bar. Bul - basqa másele», - dedi ol.
Ministrdiń atap ótýinshe, atalǵan bilim berý kompaniiadary jyl saiyn ózderiniń suraqtaryn UBT-ǵa qatysy bar suraqtar retinde jariialap otyrady.
«Bul durys emes, aldanýdyń qajeti joq. Burynyraq, tipti olar suraqtar retinde satylǵan da bolatyn. Al bizde barlyǵy da senimdi qorǵalǵan, barlyǵyna baiyppen qarap, óz balańmen ainalysqan jón. Sonda bári ret-retimen bolady», - dedi Erlan Saǵadiev.
