QR Bilim jáne ǵylym ministri Erlan Saǵadiev "Bolathan Taijan" qorynyń prezidenti Muhtar Taijanmen teledebattan bas tartty. Buǵan deiin Muhtar Taijan áleýmettik jeli arqyly ministrdi úsh tuǵyrly til jáne qazaq tarihy týraly ashyq pikirtalasqa shaqyrǵan bolatyn, dep habarlaidy "Ult aqparat".
«Taijanǵa qatysty aitar bolsam, bul meniń qyzmetime jatpaidy dep esepteimin. Maǵan ol qyzyq emes jáne onymen kezdesýdi de kózdep otyrǵanym joq!», - dedi bilim ministri búgin Úkimet úiinde jýrnalisterdiń saýalyna jaýap bere kele. Eske salaiyq, Úkimette «100 naqty qadam» Ult josparynyń áleýmettik jáne bilim salalary boiynsha júzege asyrylýyna arnalǵan brifing ótken bolatyn.
Aita ketý kerek, taiaýda «Habar» arnasynda Densaýlyq saqtaý ministri Eljan Birtanov pen ekonomist Raqym Oshaqbaev ashyq pikirtalasqa shyǵyp, kóptegen mańyzdy máseleni kótergen edi. Osydan keiin Muhtar Taijan Feisbýk arqyly Bilim jáne ǵylym ministri Erlan Saǵadievti ashyq pikirtalasqa shaqyrǵan-tyn.
Al, byltyr Erlan Saǵadievti jańa oqý baǵdarlamasyna kóńili tolmaǵan Májilis depýtaty Bekbolat Tileýhan da baspasóz betindegi «jekpe-jekke» shaqyrǵan bolatyn.
