Qazaqstannyń bilim ministri Erlan Saǵadiev tekserýshi organdardan qorqatyn muǵalimder jaily aityp berdi, - dep habarlaidy "Ult aqparat" kaz.tengrinews.kz portalyna silteme jasap.
"Biz búginniń ózinde qaǵazben esep berýden bas tarta alamyz. Biraq birqatar másele bar, birinshi kezekte - muǵalimderdiń tekserýshi organdardan qorqýy. Biz muǵalimdermen jáne mektep direktorlarymen sóilestik, olar "Biz qaǵaz jýrnal qoldanamyz, sebebi qorqamyz" deidi. Men olarǵa: "Al qaǵaz jýrnalǵa tyiym salsam she?" desem, "Biz túnedeletip toltyramyz. Sebebi bul aqsha, erteń basymyzdy kesip alady" dep jaýap beredi", - dedi alqa otyrysynda ministr.
Muǵalimder qorqynyshtan arylýy úshin Saǵadiev Qarjy ministrligi men Bas prokýratýranyń konstrýktiv haty nemese buiryǵy daiyndalǵany jaily aitty. Osy qujat boiynsha tekserýshiniń qaǵaz túrindegi esepti tekserýge quqy joq.
"Basyp shyǵardyq, mórin qoidyq, tapsyrdyq - búginge osy da jetkilikti. Qarjy ministrinen de osy ereje buzylsa, osy ispen ainalysýdy suradyq, sebepsiz tekseristerdi Qarjy ministrliginiń ózi qýdalaidy", - dedi ministr.
Conymen qatar, Saǵadiev muǵalimderdi qoǵamdyq jumystardan bosatýǵa ýáde berdi.
"Taǵy bir mańyzdy mindet - muǵalimderdi óz salasyna jatpaityn jumystarmen ainalysýǵa májbúrleýdi toqtatý. Bul kólemdi jumys, alaida biz osyǵan kirisemiz. Búginde biz muǵalimderdiń saraptamalardy, kartalardy, jol júrý biletterin jinaitynyn, tekseris ótkizetinin bilemiz. Birinshi kezekte tekserispen ainalysýdy, statistikalyq málimetterdi jinaýdy toqtatamyz. Mehanizmdi jasap alyp, úkimetten birqatar qaýly shyǵartamyz, bul arqyly basqa organdar muǵalimderdiń eńbegin paidalana almaityn bolady", - dedi Erlan Saǵadiev.
Eske salaiyq, osyǵan deiin ol qaǵaz túrindegi synyp jýrnaldary men kúndelikterdiń erikti túrde qoldanylatynyn aitqan bolatyn.
