QR bilim jáne ǵylym ministri Erlan Saǵadiev QR BǴM jáne Prezident Ákimshiligine Halyqaralyq baǵdarlamalar ortalyǵynyń basshysyna qatysty kelip túsken ujymdyq shaǵymmen ainalysýǵa ýáde berdi, - dep habarlaidy kaz.tengrinews.kz tilshisi.
Sputnik Kazahstan basylymynyń málimetinshe, Halyqaralyq baǵdarlamalar ortalyǵynyń qyzmetkerleri Prezident Ákimshiligine, Bas prokýratýraǵa jáne QR Bilim jáne ǵylym ministrligine ózderiniń basshysy Janbolat Meldeshovke shaǵymdanǵan. Bes paraq shaǵym jazǵan ortalyqtyń burynǵy jáne qazirgi qyzmetkerleri ortalyq basshysynyń ózine unamaityn qyzmetkerlerin jumystan ketýge májbúrlep júrgenin jáne ol oryndardy óziniń adamdardyna bosatyp berýge májbúrlep jatyr. Sondai-aq, shaǵymda ortalyq basshylyǵy tarapynan ketken birneshe zańbuzýshylyq anyqtaldy.
"Biz ishki tergeý jumystaryn birneshe ret júrgizdik, mundai derekter anyqtalmady. Ótinish jazatyn bolsańyzdar, meniń atyma jazyńyzdar, sonda biz qyzmettik tekseris júrgizemiz. Biraq BAQ arqyly habarlaǵan ekensizder, biz endi tekseris júrgizip, sizderge baiandaimyz", - dedi Saǵadiev.
Ujymdyq shaǵymǵa 25 adamnyń qol qoiǵany aitylady. Sondai-aq, ortalyq qyzmetkerleri jiyndardyń birinde túsirilgen videony kórsetken. Onda boljam boiynsha, basshylardyń biri "Bolashaq" túlekterine til tigizip jatady.
Aita keteiik, "Bolashaq" halyqaralyq stipendiiasy 1993 jyly bekitilgen. Osy ýaqytqa deiin 12 myńnan asa qazaqstandyq memleket esebinen álemniń úzdik JOO-larynda oqydy.v.
