QR bilim jáne ǵylym ministri Erlan Saǵadiev ózine qatysty jumysshylar komandasyn aýystyrdy jáne eski basshylardy aýystyrdy delingen aiyptaýlardy joqqa shyǵardy, - dep habarlaidy "Ult aqparat" kaz.tengrinews.kz portalyna silteme jasap.
"Qazir BǴM-da jumys istep júrgen adamdardyń eshqaisysymen ministrlikke kelgenshe tanys bolmaǵanmyn. Kómekshim ǵana boldy. Úsh vitse-ministr, barlyq departament direktorlary, barlyq komitet tóraǵalary, barlyq qyzmetkerimen bilim jáne ǵylym ministrligine kelgen soń ǵana tanystym. Barlyǵy 250 adam. Komandasyn alyp kelipti degen aiyptaýlardy birinshi ret estip otyrmyn", - dep málimdedi ministr.
Aita keteiik, 2016 jyly basqarýshy quramnyń 28 adamy jumystan ketken. Olardyń barlyǵy óz qalaýymen qyzmet ornyn bosatypty. Bul týraly osyǵan deiin QR BǴM vitse-ministri Aslanbek Amrin habarlaǵan edi.
Eske salaiyq, qyzmetkerlerdi májbúrli túrde jumystan shyǵardy degen aiyptaýdy Ǵylym jónindegi Komitet basshysynyń eks-orynbasary Lázzat Qusaiynova aitqan. Ol 2016 jyldyń qarashasynda memlekettik qyzmetshiniń ádebin buzdy dep qyzmetten shyǵarylǵan edi. Qusaiynova sol kezde jańa ministr kelgen soń "komanda tolyqtai aýysty" jáne memlekettik organdardyń 80 paiyzdaiy qyzmetten ketti dep málimdegen.
