Qazaqstan mektepterinde aǵylshyn tilindegi sabaqtar erikti túrde oqytylady dep málimdedi bilim jáne ǵylym ministri Erlan Saǵadiev. Informburo.kz saitynyń habarlaýynsha, Saǵadiev bul týraly Almatyda pedagogtarmen kezdesýinde aitqan.
Ministrdiń sózinshe, qazir 120-dan astam mektepte 2700 muǵalim aǵylshyn tilinde oqytady, al biyl kúzde júzdegen synyptar aǵylshyn tilinde oqýǵa kóshedi. Aǵylshyn tilinde oqytý erikti túrde, ata-ananyń jazbasha kelisimi arqyly júrgizilmek. Al qazaq tilinde oqytý basym baǵyt bolyp qala bermek.
Saǵadiev osyǵan orai biyldan bastap bes myńnan astam muǵalimdi 9 aiǵa deiingi merzimge mektepten tereńdetilgen tys til kýrstaryna oqytý uiymdastyrylatynyn aitady. Tórt pándi aǵylshyn tilnde ótkizý júiesine túpkilikti kóshý merzimi men onyń kestesi 2018 jyldyń sońynda jariialanbaq.
Qazaqstanda 2018 jyldan bastap barlyq mektepterde «Qazaqstan tarihy» pánin altynshy synyptan bastap tek qazaq tilinde, al «Dúniejúzi tarihyn» - orys tilinde oqytý josparlanyp otyr. Sonymen birge 2019 jyldan bastap joǵary synyp oqýshylary jaratylystaný pánderin tek aǵylshyn tilinde meńgeretin bolady dep habarlanǵan. Al 2022 jyldan bastap tolyǵymen kóptildi bilim berý júiesine aýysý josparlanǵan.
