قازاقستان مەكتەپتەرٸندە اعىلشىن تٸلٸندەگٸ ساباقتار ەرٸكتٸ تٷردە وقىتىلادى دەپ مەلٸمدەدٸ بٸلٸم جەنە عىلىم مينيسترٸ ەرلان ساعاديەۆ. Informburo.kz سايتىنىڭ حابارلاۋىنشا, ساعاديەۆ بۇل تۋرالى الماتىدا پەداگوگتارمەن كەزدەسۋٸندە ايتقان.
مينيستردٸڭ سٶزٸنشە, قازٸر 120-دان استام مەكتەپتە 2700 مۇعالٸم اعىلشىن تٸلٸندە وقىتادى, ال بيىل كٷزدە جٷزدەگەن سىنىپتار اعىلشىن تٸلٸندە وقۋعا كٶشەدٸ. اعىلشىن تٸلٸندە وقىتۋ ەرٸكتٸ تٷردە, اتا-انانىڭ جازباشا كەلٸسٸمٸ ارقىلى جٷرگٸزٸلمەك. ال قازاق تٸلٸندە وقىتۋ باسىم باعىت بولىپ قالا بەرمەك.
ساعاديەۆ وسىعان وراي بيىلدان باستاپ بەس مىڭنان استام مۇعالٸمدٸ 9 ايعا دەيٸنگٸ مەرزٸمگە مەكتەپتەن تەرەڭدەتٸلگەن تىس تٸل كۋرستارىنا وقىتۋ ۇيىمداستىرىلاتىنىن ايتادى. تٶرت پەندٸ اعىلشىن تٸلندە ٶتكٸزۋ جٷيەسٸنە تٷپكٸلٸكتٸ كٶشۋ مەرزٸمٸ مەن ونىڭ كەستەسٸ 2018 جىلدىڭ سوڭىندا جارييالانباق.
قازاقستاندا 2018 جىلدان باستاپ بارلىق مەكتەپتەردە «قازاقستان تاريحى» پەنٸن التىنشى سىنىپتان باستاپ تەك قازاق تٸلٸندە, ال «دٷنيەجٷزٸ تاريحىن» - ورىس تٸلٸندە وقىتۋ جوسپارلانىپ وتىر. سونىمەن بٸرگە 2019 جىلدان باستاپ جوعارى سىنىپ وقۋشىلارى جاراتىلىستانۋ پەندەرٸن تەك اعىلشىن تٸلٸندە مەڭگەرەتٸن بولادى دەپ حابارلانعان. ال 2022 جىلدان باستاپ تولىعىمەن كٶپتٸلدٸ بٸلٸم بەرۋ جٷيەسٸنە اۋىسۋ جوسپارلانعان.
