Úkimettiń búgingi otyrysynda QR Bilim jáne ǵylym ministri Erlan Saǵadiev respýblikalyq ata-analar jinalysyn osy aida ótkizýge múddeli, dep xabarlaidy QazAqparat.
"Osy sátti paidalana otyryp, ministrliktiń 12-shi mamyrda ata-analardyń respýblikalyq jinalysyn ókizýdi josparlap otyrǵanyn aitqym kelip otyr. Búginde ata-analar jinalystaryna adamdardyń qatysý deńgeii óte tómen, adamdardyń tek 10 paiyzy ǵana qatysady. Endi, mamyrdyń 12-si kúni, barlyq memlekettik organdar men mekeme basshylaryna ata-analardy jinalysqa ýaqytynda jiberýge Úkimet tarapynan tapsyrma berýdi suraimyz. Osy jinalysta mektepterdiń qamqorshylyq keńesin sailaý men bilim salasynyń ózekti máselelerin talqylaý josparlanyp otyr", - deidi Saǵadiev myrza.
Aita keteiik, ministr Saǵadiev buǵan deiin mektep tarixyndaǵy eń úlken ata-analar jinalysyn ótkizýge múddeli ekenin jariialaǵan bolatyn. Alaida atalǵan sharanyń naqty ýaqytyn aitpaǵan. Úkimettiń búgingi otyrysynda ministr jańa oqý jylynan bastap úsh pánniń sabaqtary mýzeilerde ótkiziletinin de málimdedi. Oǵan barlyq mýzeiler men joǵary oqý oryndary daiyndalýy qajet.
