Úkimettiń búgingi otyrysynda QR Bilim jáne ǵylym ministri Erlan Saǵadiev jazǵy kanikýlda balalardyń demalysyn, bos ýaqytyn jáne olardy jumyspen qamtýdy uiymdastyrý jumystary boiynsha esep berdi, dep habarlaidy Ult.kz tilshisi QazAqparat agenttigine silteme jasap.
«Biyl 1-11 synyp oqýshylarynyń sany 2 million 671 myń balany qurap otyr. Olardyń jazǵy demalysyn uiymdastyrý úshin respýblikada 14 myńǵa jýyq densaýlyq lagerleri men alańdar jumys isteidi. Jazǵy lagerler 1 million 655 balany, iaǵni barlyq oqýshylardyń 61 protsentin qamti alady. Kanikýl kezinde qosymsha sabaqtar uiymdastyrylady. Al daryndy balalar men áleýmettik jaǵynan az qamtylǵan otbasylardyń balalarynyń jazǵy demalysyn uiymdastyrýǵa jergilikti biýdjetterden 4 milliard teńgeden astam qarjy bólindi», - deidi Saǵadiev.
Ministrdiń aitýynsha, aǵymdaǵy jyly áleýmettik jaǵynan az qamtylǵan balalardy tegin demalyspen qamtý kólemi 84,8 protsentti qurap otyr. Ol - shamamen 422 myń bala.
.jpeg)