Keshe ǵana BAQ betterinde qazaq tili pániniń UBT-dan alynyp tastalǵany týraly aqparat taraǵan bolatyn. QR Bilim jáne ǵylym ministri Erlan Saǵadiev bul máselege qatysty túsinik berdi, dep habarlaidy "Ult aqparat".
"12 jyl boiy orys mektepteriniń túlekteri qazaq tilin UBT aiasynda tapsyryp kelgen bolsa da, onyń nátijeleri esepke alynbaǵan. Til bilimin baǵalaý nátijeleri grantty alýǵa yqpal etpegen. Sonymen qatar, mektep túlekteriniń bir bóligi qazaq tilin test negizindea emes, mektepte ázirlengen biletter boiynsha tapsyrǵan.
UBT eki kezeńge bólinýi sebepti, sondai-aq, biylǵy mektep túlekteriniń 100 paiyzy qazaq tilin tapsyrýy maqsaty qoiylyp otyrǵandyqtan, attestatty alý úshin árbir túlek ekzamen tapsyryp, til bilimin testileý qorytyndylary boiynsha sáikes baǵasyn alýy tiis", - deidi ministr.
Aita ketsek, keshe Ulttyq test ortalyǵynyń direktory Ramazan Álimqulov Ulttyq biryńǵai testileýden "Qazaq tili" pániniń joq ekenin resmi túrde málim etken bolatyn.
