«Astana» meditsinalyq ýniversitetinen stýdentterdi shyǵarý faktisi boiynsha tiisti komissiia qurylady. Bul týraly Bilim jáne ǵylym ministri Erlan Saǵadiev málim etti, dep habarlaidy QazAqparat.
«Byltyr biz atalǵan ýniversitetke baryp, jumystaryn tekserip, olarǵa balalardy oqýdan bosatý boiynsha nusqaý berdik. Bul nusqaý ishinara oryndaldy. Stýdentterdiń bir bóligi ózderiniń quqyqtaryn qorǵaý aiasynda sotqa júgindi. Degenmen de nusqaý oryndalýy tiis. Bul ýniversitet stýdentterdi oqýdan bosatýyn durys sheshim dep sanaimyz. Endi biz Densaýlyq saqtaý ministrligimen jáne ýniversitetpen birge tiisti komissiiany qurýymyz kerek. Osy oraida oqý orny men stýdentterge qatysty qandai quqyqtyq qadamdar qabyldaý kerektigin talqylaý mańyzdy», - dedi Saǵadiev.
Sonymen qatar, ministr atalǵan másele boiynsha ózge de oqý oryndary tekseriletinin atap ótti. Stýdentter tarapynan jalǵan IELTS sertifikattaryn alýy faktisi boiynsha quqyq qorǵaý organdary ainalasyp jatyr.
Sonymen qatar, vedomstvo basshysy sertifikattardyń tupnusqa ekenin ýniversitetter balalardy oqýǵa qabyldaý kezinde tekserýi tiis ekenin atap ótti. Búginde «Astana» meditsinalyq ýniversitetiniń litsenziiasyn qaitaryp alýǵa qatysty sheshim jasalmaǵan. Aldymen quqyqbuzýshylyqtyń mán-jaiy egjei-tegjeili zertteledi.
Budan buryn habarlanǵandai, «Astana meditsina ýniversiteti» AQ-ǵa túsý úshin IELTS sertifikatyn satyp alǵan 100-den astam stýdent oqýdan shyǵaryldy.
Esterińizge salaiyq, byltyr kúzde emtihandy óz kúshimen tapsyrǵandar aryzdanyp, bul is boiynsha tekseris júrgizilgen edi. Sonyń nátijesinde aǵylshyn tili emtihany boiynsha 117 tirkelmegen sertifikat anyqtaldy.
