QR Parlamenti Senatynda orta bilim berý júiesiniń problemalaryna arnalǵan parlamenttik tyńdaýda QR Bilim jáne ǵylym ministri Erlan Saǵadiev 2019 jyly elimizdegi bilim berý mazmunyn tolyǵymen jańartý protsesi tolyqtai aiaqtalatynyn aitty, dep habarlaidy Baq.kz tilshisi.
«2019 oqý jylynan 0-synypty engizý 0+11 josparlanyp otyr. Bul on eki jyldyq bilim berý júiesine kóshýge arnalǵan. 0-synyp bes jastaǵy balalardyń júz paiyz birinshi synypqa daiyndalýyna jaǵdai jasaidy. Álippege kelsek, 0-synypqa arnalǵan bazalyq oqýlyq jalpy daiyn. Synaqtan ótip otyr. Kelesi jyly muǵalimderdi daiyndaý jumysy bastalady», - dedi ol.
Keiin ministr Erlan Saǵadiev elimizdegi bilim berý mazmunyna toqtaldy.
«Byltyr bastalyp ketken jańarǵan bilim berý mazmunyna kezeń-kezeńimen kóshý josparlanyp otyr. Osy jyly 2, 5, 7-synyptar kóshedi. Kelesi eki jylda biz jańarǵan mazmunǵa tolyqtai kóshýdi aiaqtaimyz. Jańarǵan mazmunnyń máni tek bilý emes, sonymen qatar bilimdi ómirde qoldana bilý», - dedi ministr.
