Sadyr Japarovtyń bolashaq "kúieýbalasy" ustaldy

Qyrǵyzstan prezidenti Sadyr Japarovtyń nemere qaryndasyna usynys jasaǵan jigittiń ustalǵanyn prezidenttiń resmi ókili Asqat Alagózov habarlady.

"Prezident Sadyr Japarovtyń inisiniń qyzynyń bolashaq kúieýin quqyq qorǵaý organdary ustaǵanyn rastaimyz. Eske sala ketsek, er adam Lázzat Nurqojoevaǵa tikushaqta úilený týraly usynys jasaǵannan keiin tanymal boldy. Biraq jas jigittiń basty maqsaty – onyń zańsyz áreketterin qorǵaý úshin biliktegi adamdardy (krysha) tabý dep aitýǵa tolyq negiz bar. Prezident Sadyr Japarov kim bolmasyn, onyń zańsyz áreketin jasyrmaitynyn atap ótkim keledi. Burynǵy jigiti men onyń sybailastarynyń zańsyz áreketteriniń mán-jailary tergeý barysynda anyqtalatyn bolady", – dep jazdy Alagózov.

Qyrǵyzstan quzyrly organdarynyń habarlaýynsha, Lazat Nurqojaevanyń kúieý jigiti Aftandil Sabyrbekov 3 tamyzǵa deiin ýaqytsha tergeý izoliatoryna qamalǵan.

Oǵan Qyrǵyzstan Respýblikasy Qylmystyq kodeksiniń 282-babynyń 3-bóligi – «Asa iri mólsherde ótkizý maqsatynda esirtki quraldaryn, psihotroptyq zattardy jáne sol tektesterdi zańsyz daiyndaý» boiynsha qylmys jasady degen aiyp taǵylǵan.