Qazaqstandyq kásipqoi boksshy Sadriddin Ahmedovtiń (10-0, 9KO) 7 jeltoqsanda ótetin jekpe-jegin «Habar» arnasynan kórýge bolady, dep habarlaidy "Ult aqparat".
Qazaqstanda atalǵan aiqasty 8 jeltoqsanda «Habar» telearnasy Nur-Sultan ýaqyty boiynsha saǵat tańerteńgi 07.00-de tikelei efirde kórsetedi.
WBC nusqasy boiynsha jastar arasynda birinshi orta salmaqtaǵy álem chempiony sharshy alańǵa 7 jeltoqsanda qaita oralady. Ol Kanadanyń Monreal qalasynda argentinalyq Hose Antonio Vilialobospen (12-5-2, 7KO) kezdesedi. Qos qurlyqtyń boksshylary David Leme (40-4, 34KO) men Maks Býrsak (35-5-2, 16KO) aiqasynyń anderkardynda ózara myqtyny anyqtamaq.
Eske sala ketsek, Sadriddin Ahmedov kásipqoi bokstaǵy onynshy jekpe-jegin qaza aiynyń sońynda ótkizip, 31 jastaǵy meksikalyq Djonni Navarreteni (33-15-2, 15KO) tehnikalyq nokaýtpen jeńgen bolatyn.
