قازاقستاندىق كەسٸپقوي بوكسشى سادريددين احمەدوۆتٸڭ (10-0, 9كو) 7 جەلتوقساندا ٶتەتٸن جەكپە-جەگٸن «حابار» ارناسىنان كٶرۋگە بولادى, دەپ حابارلايدى "ۇلت اقپارات".
قازاقستاندا اتالعان ايقاستى 8 جەلتوقساندا «حابار» تەلەارناسى نۇر-سۇلتان ۋاقىتى بويىنشا ساعات تاڭەرتەڭگٸ 07.00-دە تٸكەلەي ەفيردە كٶرسەتەدٸ.
WBC نۇسقاسى بويىنشا جاستار اراسىندا بٸرٸنشٸ ورتا سالماقتاعى ەلەم چەمپيونى شارشى الاڭعا 7 جەلتوقساندا قايتا ورالادى. ول كانادانىڭ مونرەال قالاسىندا ارگەنتينالىق حوسە انتونيو ۆيليالوبوسپەن (12-5-2, 7كو) كەزدەسەدٸ. قوس قۇرلىقتىڭ بوكسشىلارى داۆيد لەمە (40-4, 34كو) مەن ماكس بۋرساك (35-5-2, 16كو) ايقاسىنىڭ اندەركاردىندا ٶزارا مىقتىنى انىقتاماق.
ەسكە سالا كەتسەك, سادريددين احمەدوۆ كەسٸپقوي بوكستاعى ونىنشى جەكپە-جەگٸن قازا ايىنىڭ سوڭىندا ٶتكٸزٸپ, 31 جاستاعى مەكسيكالىق دجونني ناۆاررەتەنٸ (33-15-2, 15كو) تەحنيكالىق نوكاۋتپەن جەڭگەن بولاتىن.
