«Uly Dala qyrandary» respýblikalyq qoǵamdyq qozǵalysynan QR Prezidenttigine kandidat Sádibek Túgel sailaýdyń exit poll boiynsha qorytyndysyna óz oiyn bildirdi, dep habarlaidy "Ult aqparat".
«Qasym-Jomart Toqaev exit poll qorytyndysy boiynsha 70,13% alǵanyn estidik. Kandidattardyń biri retinde ony shyn júrekten quttyqtaimyn», - dedi ol.
S. Túgeldiń pikirinshe, sailaý ashyq ári ádil ótti. Qazaqstandyqtar ózderiniń azamattyq ustanymyn bildirdi. «Men halyqtyń uiymshyldyǵyn, belsendiligin, sonymen qatar demokratiiaǵa betburysyn baiqadym. Bul sailaý bolǵandyqtan da, onda jeńis te, jeńilýshi jaq ta bar. Sailaý ádil ótti. Ásirese, halyqtyń belsendiligine tántimin. Munyń ózi úlken jetistik», dedi ol.
Eske sala keteiik, «Qoǵamdyq pikir» institýtynyń málimetine sáikes, exit poll nátijesi boiynsha 9 maýsymda ótken QR Prezidentiniń kezekten tys sailaýynda qazaqstandyqtardyń 70,13% kandidat Qasym-Jomart Toqaevqa daýys bergen.
