Frantsiia prezidenti Emmaniýel Makron eldiń birneshe qalasynda bolǵan jappai tártipsizdik, tonaý jáne órt qoiý oqiǵalaryna bailanysty halyqqa úndeý jasady, dep habarlaidy ult.kz.
Ol quqyq buzýshylardyń jaýapqa tartylatynyn aityp, azamattardy sabyrǵa shaqyrdy.
Makronnyń aitýynsha, tártipsizdikke qatysqan, dúkenderdi tonap, qoǵamdyq nysandardy qiratqan adamdar zań aldynda jaýap beredi. Sondai-aq ol úkimetten oqiǵalardyń sebepterin jan-jaqty tekserip, mundai jaǵdaidyń qaitalanýyna jol bermeýdi talap etti.
Frantsiia Ishki ister ministrliginiń málimetinshe, eldegi narazylyq sharalary kezinde 2 300-den astam adam ustalǵan. Keibir qalalarda sherýler jappai tártipsizdikke ulasyp, politsiia sherýshilerdi taratý úshin kózden jas aǵyzatyn gaz qoldanǵan.
Sonymen qatar Frantsiia oppozitsiiasy biliktiń áreketin synǵa alyp, eldegi jaǵdaidy baqylaýǵa ala almaǵany úshin úkimet pen prezidentti jaýapkershilikke shaqyrdy.
