QR Úkimetiniń qaýlysymen Nurlybai Sábit Nurlybaiuly QR energetika vitse-ministri laýazymyna taǵaiyndaldy, dep habarlaidy primeminister.kz.
Sábit Nurlybai 1967 jyly Ońtústik Qazaqstan oblysynda dúniege kelgen. Qazaq politehnikalyq institýtyn, A. Iassaýi atyndaǵy Halyqaralyq Qazaq-Túrik ýniversitetin támamdaǵan. Mamandyǵy - injener-mehanik, zańger.
Eńbek jolyn 1991 jyly bastaǵan. Ár jyldary memlekettik organdardyń qurylymynda, onyń ishinde QR Syrtqy ekonomikalyq bailanystar ministrliginde, QR Ónerkásip jáne saýda ministrliginde, QR Parlamentinde jáne kommertsiialyq kásiporyndarda jumys istegen.
1998-2004 jyldary QR Energetika, indýstriia jáne saýda ministrliginde, Energetika jáne mineraldy resýrstar ministrliginde, QR Joǵarǵy Soty janyndaǵy Sot ákimshiligi jónindegi komitette qyzmet etken.
2004-2009 jyldary Astana qalasynyń Turǵyn úi departamentiniń direktory laýazymyn atqardy; bilim jáne ǵylym ministriniń keńesshisi, Ákimshilik qamtamasyz etý departamentiniń direktory, QR Bilim jáne ǵylym ministrliginiń apparat basshysy; «QazTransGaz» AQ apparat basshysy, bas direktordyń keńesshisi retinde qyzmet atqardy.
2009-2017 jyldary QR Bas prokýratýrasynyń Quqyqtyq statistika jáne arnaiy esep komiteti tóraǵasynyń orynbasary, birinshi orynbasary bolyp eńbek etti.
2017-2018 jyldary - QR Energetika ministrliginiń Ekologiialyq retteý jáne baqylaý komitetiniń tóraǵasy orynbasarynyń m.a., orynbasary.
2018 jyldyń naýryz aiynan bastap qazirgi ýaqytqa deiin QR energetika ministriniń keńesshisi qyzmetin atqardy.
Buǵan deiin energetika vitse-ministri laýazymyn Ǵani Sádibekov atqardy, ol QR Úkimetiniń 10.08.2018 j. qaýlysymen qyzmetinen bosatyldy.
