Májilis depýtaty Nurtai Sabilianov aýyldardaǵy meditsinalyq kómekke bailanysty Densaýlyq saqtaý ministriniń atyna saýal joldady, dep habarlaidy QazAqparat.
«Óńirlerde sailaýshylarmen kezdesýler ótkizgende aýyldyq eldi mekenderde sapaly meditsinalyq kómek kórsetý máselesi jii kóterildi.
Parlament Májilisindegi «NurOtan» partiiasy Fraktsiiasynyń 2019 jylǵy 17 qańtardaǵy otyrysynda Densaýlyq saqtaý ministrligine turǵyndardyń sanyn, geografiialyq jáne tabiǵi klimattyq faktorlardy eskere otyryp, densaýlyq saqtaý uiymdary jelisiniń normativin qaita qarastyrý usynyldy. Qazirgi kezde aýyldyq eldi mekenderde ambýlatoriialyq-emhanalyq kómek meditsinalyq pýnktte, feldsherlik-akýsherlik pýnktte jáne dárigerlik ambýlatoriiada kórsetiledi», - dep toqtaldy depýtat Májilistiń jalpy otyrysynda.
Bul rette qoldanystaǵy normativke sáikes:
meditsinalyq pýnkt halyqtyń sany 50 –den 800 adamǵa deiin;
feldsherlik-akýsherlik pýnkt - 800-den bastap 1500 adamǵa deiin;
dárigerlik ambýlatoriia - 1500 –den 10 000 adamǵa deiin bolatyn árbir eldi mekende (aýyldyq okrýgte) qurylady.
Statistika komitetiniń aqparaty sáikes, elimizde halyq sany 50-den asatyn aýyldyq eldi mekender sany 5691-di quraidy. Solardyń ishinde tek 1087-sinde turǵyndar dárigerlik kómek ala alady.
«Bul jaǵdaida, qalǵan aýyl turǵyndary turǵyndary sapaly meditsinalyq kómekke qalai qol jentkize alady? Joǵaryda aitylǵandar negizinde, meditsinalyq pýnkti halyq sany 50-den 300 adamǵa deiin, feldsherlik-akýsherlik pýnkti halyq sany 300 – den 500 adamǵa deiin, dárigerlik ambýlatoriiany500-den 10 000 myń adamǵa deiin bolatyn árbir eldi mekende (aýyldyq okrýgte) qurý bóliginde densaýlyq saqtaý uiymdary jelisiniń normativine ózgeris engizýdi suraimyn», - dedi Sabilianov.
