Óskemen qalasynda qolyna sábiin alyp, jalańash kóshe kezgen áiel psihikalyq densaýlyq ortalyǵyna jatqyzyldy, dep habarlaidy "Ult aqparat".
Esterińizge sala ketsek, qyrkúiek aiynyń sońynda Óskemendegi Gagarin býlvarynda 33 jastaǵy jalańash áieldiń alty ailyq sábiimen ketip bara jatqany jaily video taraǵan bolatyn.
Áiel adam politseilerge mán-jaidy túsindirmedi. Tipti óziniń kim ekenin aita almaǵan. Tártip saqshylary 1987 jylǵy qala turǵynyn psihikalyq densaýlyq ortalyǵyna jetkizdi.
«Qazirgi ýaqytta áiel adam atalǵan meditsinalyq mekemege jatqyzylǵan. Al sábi ákesiniń qolynda», - deidi ShQO politsiia departamenti baspasóz qyzmetiniń basshysy Áigerim Nurǵazina.
