"Bir rettik aiyppul 7 ailyq eseptik kórsetkish kóleminde. Bul 15 myń teńgege jýyq qarjy. Al sabaqtan qashý faktileri qaitalansa, ata-analarǵa 42 myń teńgeden astam aqsha tóleýge týra keledi", - dep habarlaidy "Ult aqparat" Astanatv.kz-ke silteme jasap.
Alaida keibir ata-analar bul aiyppuldardan da qorqatyn emes. Amaly taýsylǵan óskemendik ustazdar politseilermen birge «Balalardy mektepke qaitaraiyq» atty aktsiia uiymdastyryp, úi-úidi aralady. Sabaqqa barmaityn balalardyń ata-analary negizinen ishimdikke salynǵandar. Máselen, Arina Tarasova biyl 1 synypqa barýy kerek bolǵan. Biraq 1 qyrkúiekten beri mektep tabaldyryǵyn attamapty. Qyzynyń qaida ekeninen maskúnem anasy da beihabar.
«127-shi bap boiynsha ákimshilik aiyppul belgilenedi. 60 saǵat boiy sabaqty bosatsa, ákimshilik aiyppul 7 AEK. Jaǵdai qaitalansa, ekinshi aiyppul 20 AEK kóleminde bolady. Qazir material jinap jatyrmyz. Kórshilerinen suraimyz. Eger negiz bolsa, ata-ana quqyǵynan aiyramyz», - deidi Ernur Rahimov, Óskemen qalalyq IIB kámeletke tolmaǵandar isi inspektsiiasynyń inspektory.
