"بٸر رەتتٸك ايىپپۇل 7 ايلىق ەسەپتٸك كٶرسەتكٸش كٶلەمٸندە. بۇل 15 مىڭ تەڭگەگە جۋىق قارجى. ال ساباقتان قاشۋ فاكتٸلەرٸ قايتالانسا, اتا-انالارعا 42 مىڭ تەڭگەدەن استام اقشا تٶلەۋگە تۋرا كەلەدٸ", - دەپ حابارلايدى "ۇلت اقپارات" Astanatv.kz-كە سٸلتەمە جاساپ.
الايدا كەيبٸر اتا-انالار بۇل ايىپپۇلداردان دا قورقاتىن ەمەس. امالى تاۋسىلعان ٶسكەمەندٸك ۇستازدار پوليتسەيلەرمەن بٸرگە «بالالاردى مەكتەپكە قايتارايىق» اتتى اكتسييا ۇيىمداستىرىپ, ٷي-ٷيدٸ ارالادى. ساباققا بارمايتىن بالالاردىڭ اتا-انالارى نەگٸزٸنەن ٸشٸمدٸككە سالىنعاندار. مەسەلەن, ارينا تاراسوۆا بيىل 1 سىنىپقا بارۋى كەرەك بولعان. بٸراق 1 قىركٷيەكتەن بەرٸ مەكتەپ تابالدىرىعىن اتتاماپتى. قىزىنىڭ قايدا ەكەنٸنەن ماسكٷنەم اناسى دا بەيحابار.
«127-شٸ باپ بويىنشا ەكٸمشٸلٸك ايىپپۇل بەلگٸلەنەدٸ. 60 ساعات بويى ساباقتى بوساتسا, ەكٸمشٸلٸك ايىپپۇل 7 اەك. جاعداي قايتالانسا, ەكٸنشٸ ايىپپۇل 20 اەك كٶلەمٸندە بولادى. قازٸر ماتەريال جيناپ جاتىرمىز. كٶرشٸلەرٸنەن سۇرايمىز. ەگەر نەگٸز بولسا, اتا-انا قۇقىعىنان ايىرامىز», - دەيدٸ ەرنۇر راحيموۆ, ٶسكەمەن قالالىق ٸٸب كەمەلەتكە تولماعاندار ٸسٸ ينسپەكتسيياسىنىڭ ينسپەكتورى.
