"Bolashaq" baǵdarlamasy boiynsha bilim alǵan stýdent sabaq úlgerimi nashar bolǵany úshin 25 million teńge tóleidi, - dep habarlaidy kaz.tengrinews.kz Astana qalasy sotynyń baspasóz qyzmetine silteme jasap.
Is materialy boiynsha, 2009 jyly Shetelde kadrlar daiarlaý jónindegi respýblikalyq komissiia sheshimimen jigitke Ulybritaniiada "Qurylys jáne sáýlet" mamandyǵy boiynsha bilim alý úshin "Bolashaq" halyqaralyq stipendiiasy berilgen.
"Osyǵan bailanysty azamat S. men "Halyqaralyq baǵdarlamalar ortalyǵy" AQ arasynda bilim alýdy uiymdastyrý boiynsha kelisimshart jasaldy. Bul kelisim boiynsha azamat S. sabaq úlgerimi jaqsy degen baǵadan tómen bolmaidy dep mindet alǵan. Sot barysynda jigittiń sabaq úlgerimine qatysty mindetin oryndamai Kelisim sharttaryn buzǵany anyqtaldy. Osyǵan bailanysty ol "Bolashaq" stipendiiasynan aiyryldy jáne shetelde oqýǵa ketken shyǵyndy tolyq qaitarady", - deidi sot ókilderi.
Astana qalasy Almaly aýdandyq sotynyń sheshimimen stýdent esebinen "Halyqaralyq baǵdarlamalar ortalyǵy" AQ paidasyna 25 675 842 teńge kóleminde qaryz óndirildi. Sot sheshimi zańdy kúshine endi.
