Qazaqstannyń birinshi, álemniń 20-raketkasy Elena Rybakina Ýimbldon týrnirin jeńispen bastady, dep habarlaidy "Ult aqparat".
Osy «Úlken dýlyǵa» týrniriniń 18-raketkasy bolyp tirkelgen E.Rybakina alǵashqy ainalymda dúniejúzilik reitingide 59-orynda turǵan frantsiialyq Kristina Mladenovichpen kezdesti.
Buǵan deiin qazaqstandyq tennisshi 2019 jyly Ýimbldon jarysynyń irikteý saiystarynan asa almaǵan bolatyn. Al ótken jyly pandemiiaǵa bailanysty aitýly doda ótken joq.
Birinshi partiiada esep 2:1 bolǵan mezette E.Rybakina breik jasai bildi. Osy basymdylyǵynan set bitkenshe aiyrylǵan joq – 6:4.
Ekinshi sette qazaqstandyq sportshy qos birdei breikpen alǵa ketti – 3:0. Budan keiin K.Mladenovich meditsinalyq kómekke júgindi. Elena bul partiiada qarsylasyna birde-bir geim bergen joq – 6:0. Ol match barysynda 7 eis jasap, 10 breik-pointtyń tórteýin paidalandy.
Báseke 1 saǵatqa jýyq ýaqytqa sozyldy.
Osylaisha Londondaǵy «Úlken dýlyǵa» dodasy qazaqstandyq tennisshiler úshin sátti bastaldy.
E.Rybakina ekinshi ainalymda álemniń 83-raketkasy, japoniialyq Misaki Doi nemese reitingide 120-satydaǵy amerikalyq Kler Liýdiń bireýimen sheberlik baiqasady.
Áielder arasynda Ýimbldondaǵy finaldyq match 10 shildege belgilengen. Jarystyń 2019 jylǵy chempiony, rýmyniialyq Simona Halep jaraqatyna bailanysty biyl qatysqan joq.
