Qazaqstandyq tennisshi, Ýimbldon týrniriniń jeńimpazy Elena Rybakina ózin «Reseidiń daiyn ónimi» degenderge jaýap berdi, dep habarlaidy QazAqparat.
«Qazaqstanǵa aýysqanda men iýnior boldym. Iýniordy daiyn ónim dep aitýǵa bolmaidy. Onyń ústine iýniordan kásibi deńgeige ótý óte qiyn. Ol úshin jaqsy komanda bolý kerek. Kásibi sportqa kóship, odan ári sátti jalǵastyrý ekiniń biriniń qolynan kelmeidi. Sanaýly adam ǵana shyńǵa shyǵa alady. Bul turǵyda maǵan sáti tústi. Sondyqtan daiyn ónim degenmen kelispeimin», - dedi Rybakina elordada ótken baspasóz máslihatynda.
Sondai-aq, tilshiler sportshydan bolashaqta Reseige qaita oralýy múmkin be degen saýalǵa jaýap berdi.
«Qazir aita almaimyn. Biyl Reseide eshqandai týrnir josparlanyp jatqan joq. Men Reseidiń atynan oinaimyn ba ony jaǵdai kórsetedi. Iaǵni bári josparǵa bailanysty. Dál qazir iá, joq dep aita almaimyn», - deidi ol.
