قازاقستاندىق تەننيسشٸ, ۋيمبلدون تۋرنيرٸنٸڭ جەڭٸمپازى ەلەنا رىباكينا ٶزٸن «رەسەيدٸڭ دايىن ٶنٸمٸ» دەگەندەرگە جاۋاپ بەردٸ, دەپ حابارلايدى قازاقپارات.
«قازاقستانعا اۋىسقاندا مەن يۋنيور بولدىم. يۋنيوردى دايىن ٶنٸم دەپ ايتۋعا بولمايدى. ونىڭ ٷستٸنە يۋنيوردان كەسٸبي دەڭگەيگە ٶتۋ ٶتە قيىن. ول ٷشٸن جاقسى كوماندا بولۋ كەرەك. كەسٸبي سپورتقا كٶشٸپ, ودان ەرٸ سەتتٸ جالعاستىرۋ ەكٸنٸڭ بٸرٸنٸڭ قولىنان كەلمەيدٸ. ساناۋلى ادام عانا شىڭعا شىعا الادى. بۇل تۇرعىدا ماعان سەتٸ تٷستٸ. سوندىقتان دايىن ٶنٸم دەگەنمەن كەلٸسپەيمٸن», - دەدٸ رىباكينا ەلوردادا ٶتكەن باسپاسٶز مەسليحاتىندا.
سونداي-اق, تٸلشٸلەر سپورتشىدان بولاشاقتا رەسەيگە قايتا ورالۋى مٷمكٸن بە دەگەن ساۋالعا جاۋاپ بەردٸ.
«قازٸر ايتا المايمىن. بيىل رەسەيدە ەشقانداي تۋرنير جوسپارلانىپ جاتقان جوق. مەن رەسەيدٸڭ اتىنان وينايمىن با ونى جاعداي كٶرسەتەدٸ. ياعني بەرٸ جوسپارعا بايلانىستى. دەل قازٸر يە, جوق دەپ ايتا المايمىن», - دەيدٸ ول.
