Foto: QTF baspasóz qyzmeti
Qazaqstannyń birinshi, álemniń 7-raketkasy Elena Rybakina AQSh-ta ótip jatqan Miami WTA 1000 týrniriniń shirek finalyna shyqty - dep habarlaidy "Ult aqparat".
Elena tórtinshi ainalymda (1/8 final) dúniejúzilik reitingte 39-orynda turǵan belgiialyq Eliza Mertenspen sheberlik baiqasyp, 1 saǵat 46 minýtqa sozylǵan oiynda 6:4, 6:3 esebimen jeńiske jetti.
Bul – Rybakinanyń qatarynan on birinshi jeńisi.
Aita keteiik, otandasymyz júlde qory 8,8 mln AQSh dollaryna baǵalanǵan Masters dodasynyń jartylai finalyna shyǵý úshin álemniń 24-raketkasy, italiialyq Martina Trevizanmen kezdesedi.
Eske salaiyq, buǵan deiin Elena Rybakina qazaqstandyq jas tennisshilerge qarjylai qoldaý kórsetkenin habarlaǵan edik. Ol 2022 jylǵy "Ýimbldon" týrnirindegi jeńisinen keiin syiaqy qarjysynyń bir bóligin qaiyrymdylyqqa jáne Qazaqstandaǵy jastardy qoldaýǵa jumsaitynyna ýáde bergen. Sportshy sol ýádesinde turyp, qazaqstandyq jas tennisshilerge 2,5 million teńgeden syilady.
