فوتو: قتف باسپاسٶز قىزمەتٸ
قازاقستاننىڭ بٸرٸنشٸ, ەلەمنٸڭ 7-راكەتكاسى ەلەنا رىباكينا اقش-تا ٶتٸپ جاتقان Miami WTA 1000 تۋرنيرٸنٸڭ شيرەك فينالىنا شىقتى - دەپ حابارلايدى "ۇلت اقپارات".
ەلەنا تٶرتٸنشٸ اينالىمدا (1/8 فينال) دٷنيەجٷزٸلٸك رەيتينگتە 39-ورىندا تۇرعان بەلگييالىق ەليزا مەرتەنسپەن شەبەرلٸك بايقاسىپ, 1 ساعات 46 مينۋتقا سوزىلعان ويىندا 6:4, 6:3 ەسەبٸمەن جەڭٸسكە جەتتٸ.
بۇل – رىباكينانىڭ قاتارىنان ون بٸرٸنشٸ جەڭٸسٸ.
ايتا كەتەيٸك, وتانداسىمىز جٷلدە قورى 8,8 ملن اقش دوللارىنا باعالانعان Masters دوداسىنىڭ جارتىلاي فينالىنا شىعۋ ٷشٸن ەلەمنٸڭ 24-راكەتكاسى, يتالييالىق مارتينا ترەۆيزانمەن كەزدەسەدٸ.
ەسكە سالايىق, بۇعان دەيٸن ەلەنا رىباكينا قازاقستاندىق جاس تەننيسشٸلەرگە قارجىلاي قولداۋ كٶرسەتكەنٸن حابارلاعان ەدٸك. ول 2022 جىلعى "ۋيمبلدون" تۋرنيرٸندەگٸ جەڭٸسٸنەن كەيٸن سىياقى قارجىسىنىڭ بٸر بٶلٸگٸن قايىرىمدىلىققا جەنە قازاقستانداعى جاستاردى قولداۋعا جۇمسايتىنىنا ۋەدە بەرگەن. سپورتشى سول ۋەدەسٸندە تۇرىپ, قازاقستاندىق جاس تەننيسشٸلەرگە 2,5 ميلليون تەڭگەدەن سىيلادى.
