Qazaqstandyq tennisshi, Ýimbldon týrniriniń jeńimpazy Elena Rybakina azamattyǵyna qatysty túsinik berdi, dep habarlaidy QazAqparat.
«Árine, men - Qazaqstannyń azamatymyn. Azamatyqqa qatysty suraqqa buǵan deiin de jaýap bergenmin. Sońǵy 2 jyl boiy naqty esh jerde turmaimyn. Ár apta saiyn bir qonaqúiden ekinshi qonaqúide júrmin. Odan qaldy daiyndyqta, jarysta júremin. Iaǵni naqty turaqty mekenim joq», - dedi Elena Rybakina elordada ótken baspasóz máslihatynda.
Sondai-aq, tennisshi sheteldik sportshylardy tartpai, otandyq sportshylardy daiarlaý kerek degenge qatysty oiyn ortaǵa saldy.
«Óz basym joǵaryda atalǵan oidy qoldaimyn. Birinshiden, eger Qazaqstan bolmasa, meniń qazir kim bolatynym belgisiz. Tennis - Qazaqstan úshin jas sport túri. Osy oraida men Qazaqstanda tennisti tanymal ete túsetin adam shyǵarmyn. Ol úshin qýanyshtymyn. Bul - úlken jaýapkershilik. Men jaýapkershilikti sezinemin jáne maqtan etem», - deidi ol.
Aita keteiik, 7 shildede qazaqstandyq tennisshi Elena Rybakina alǵash ret Ýimbldon týrniriniń finalyna shyǵyp, jeńiske jetti.
