قازاقستاندىق تەننيسشٸ, ۋيمبلدون تۋرنيرٸنٸڭ جەڭٸمپازى ەلەنا رىباكينا ازاماتتىعىنا قاتىستى تٷسٸنٸك بەردٸ, دەپ حابارلايدى قازاقپارات.
«ەرينە, مەن - قازاقستاننىڭ ازاماتىمىن. ازاماتىققا قاتىستى سۇراققا بۇعان دەيٸن دە جاۋاپ بەرگەنمٸن. سوڭعى 2 جىل بويى ناقتى ەش جەردە تۇرمايمىن. ەر اپتا سايىن بٸر قوناقٷيدەن ەكٸنشٸ قوناقٷيدە جٷرمٸن. ودان قالدى دايىندىقتا, جارىستا جٷرەمٸن. ياعني ناقتى تۇراقتى مەكەنٸم جوق», - دەدٸ ەلەنا رىباكينا ەلوردادا ٶتكەن باسپاسٶز مەسليحاتىندا.
سونداي-اق, تەننيسشٸ شەتەلدٸك سپورتشىلاردى تارتپاي, وتاندىق سپورتشىلاردى دايارلاۋ كەرەك دەگەنگە قاتىستى ويىن ورتاعا سالدى.
«ٶز باسىم جوعارىدا اتالعان ويدى قولدايمىن. بٸرٸنشٸدەن, ەگەر قازاقستان بولماسا, مەنٸڭ قازٸر كٸم بولاتىنىم بەلگٸسٸز. تەننيس - قازاقستان ٷشٸن جاس سپورت تٷرٸ. وسى ورايدا مەن قازاقستاندا تەننيستٸ تانىمال ەتە تٷسەتٸن ادام شىعارمىن. ول ٷشٸن قۋانىشتىمىن. بۇل - ٷلكەن جاۋاپكەرشٸلٸك. مەن جاۋاپكەرشٸلٸكتٸ سەزٸنەمٸن جەنە ماقتان ەتەم», - دەيدٸ ول.
ايتا كەتەيٸك, 7 شٸلدەدە قازاقستاندىق تەننيسشٸ ەلەنا رىباكينا العاش رەت ۋيمبلدون تۋرنيرٸنٸڭ فينالىنا شىعىپ, جەڭٸسكە جەتتٸ.
