Qazaqstannyń birinshi, álemniń 21-raketkasy Elena Rybakina Istbýrn (Ulybritaniia) WTA 500 týrniriniń jartylai finalyna shyqty, dep habarlaidy "Ult aqparat".
Rybakina shirek finalda dúniejúzilik reitingte 61-orynda turǵan latviialyq Anastasiia Sevastovamen kezdesti.
Birinshi partiiada qos breikke qol jetkizgen latviialyq tennisshi basymdylyq tanytty – 6:2.
Ekinshi sette esep 3:2 bolǵan mezette Rybakina breik jasap ketti. Biraq qarsylasy ile-shala jaýap qaiyrdy – 4:4. Sodan keiin taǵy bir breik jasap, alǵa shyqty – 6:5. Sevastova matchqa dop bergende, qazaqstandyq tennisshi tarazy basyn qaita teńestirdi – 6:6. Tai-breikte Elena Anastasiianyń eki matchbolynan sytylyp, shyǵa bildi – 7:6 (9:7).
Úshinshi, sheshýshi partiiada esep 5:5 bolǵanda, Rybakina breik jasai aldy – 6:5. Alaida qarsylasy da qalyspady – 6:6. Aqyry tai-breikte Elena jeńisti julyp aldy – 7:6 (7:5).
Asa tartysty ótken báseke 2 saǵat 31 minýtqa sozyldy.
Rybakina júlde qory 565 myń AQSh dollarynan asatyn jarystyń finalyna shyǵý úshin taǵy bir latviialyq, álemniń 43-raketkasy Elena Ostapenkomen talasady. Ol shirek finalda reseilik, álemniń 34-raketkasy Daria Kasatkinany 1:6, 7:5, 6:2 esebimen tize búktirdi.
Eń bastysy, osy dodadan keiin bastalatyn Ýimbldon týrnirinde tabysty óner kórsetý qajet-aq. Bul «Úlken dýlyǵa» jarysynda E.Rybakina 19-raketka bolyp tirkelip otyr.
