قازاقستاننىڭ بٸرٸنشٸ, ەلەمنٸڭ 21-راكەتكاسى ەلەنا رىباكينا يستبۋرن (ۇلىبريتانييا) WTA 500 تۋرنيرٸنٸڭ جارتىلاي فينالىنا شىقتى, دەپ حابارلايدى "ۇلت اقپارات".
رىباكينا شيرەك فينالدا دٷنيەجٷزٸلٸك رەيتينگتە 61-ورىندا تۇرعان لاتۆييالىق اناستاسييا سەۆاستوۆامەن كەزدەستٸ.
بٸرٸنشٸ پارتييادا قوس برەيككە قول جەتكٸزگەن لاتۆييالىق تەننيسشٸ باسىمدىلىق تانىتتى – 6:2.
ەكٸنشٸ سەتتە ەسەپ 3:2 بولعان مەزەتتە رىباكينا برەيك جاساپ كەتتٸ. بٸراق قارسىلاسى ٸلە-شالا جاۋاپ قايىردى – 4:4. سودان كەيٸن تاعى بٸر برەيك جاساپ, العا شىقتى – 6:5. سەۆاستوۆا ماتچقا دوپ بەرگەندە, قازاقستاندىق تەننيسشٸ تارازى باسىن قايتا تەڭەستٸردٸ – 6:6. تاي-برەيكتە ەلەنا اناستاسييانىڭ ەكٸ ماتچبولىنان سىتىلىپ, شىعا بٸلدٸ – 7:6 (9:7).
ٷشٸنشٸ, شەشۋشٸ پارتييادا ەسەپ 5:5 بولعاندا, رىباكينا برەيك جاساي الدى – 6:5. الايدا قارسىلاسى دا قالىسپادى – 6:6. اقىرى تاي-برەيكتە ەلەنا جەڭٸستٸ جۇلىپ الدى – 7:6 (7:5).
اسا تارتىستى ٶتكەن بەسەكە 2 ساعات 31 مينۋتقا سوزىلدى.
رىباكينا جٷلدە قورى 565 مىڭ اقش دوللارىنان اساتىن جارىستىڭ فينالىنا شىعۋ ٷشٸن تاعى بٸر لاتۆييالىق, ەلەمنٸڭ 43-راكەتكاسى ەلەنا وستاپەنكومەن تالاسادى. ول شيرەك فينالدا رەسەيلٸك, ەلەمنٸڭ 34-راكەتكاسى داريا كاساتكينانى 1:6, 7:5, 6:2 ەسەبٸمەن تٸزە بٷكتٸردٸ.
ەڭ باستىسى, وسى دودادان كەيٸن باستالاتىن ۋيمبلدون تۋرنيرٸندە تابىستى ٶنەر كٶرسەتۋ قاجەت-اق. بۇل «ٷلكەن دۋلىعا» جارىسىندا ە.رىباكينا 19-راكەتكا بولىپ تٸركەلٸپ وتىر.
