Qazaqstanda stýdentterge kórsetiletin memlekettik qyzmetterdiń barlyǵyn avtomattandyrý kózdelip otyr. Bul týraly óziniń Facebook paraqshasynda QR Bilim jáne ǵylym vitse-ministri Rústem Biǵari málim etti, dep habarlaidy "Ult aqparat".
Onyń aitýynsha, búginde elimiz boiynsha barlyq memlekettik organ men jeke jáne memlekettik kásiporyndarda tsifrlandyrý úrdisi júrip jatyr.
«Bilim jáne ǵylym ministrliginde de bul baǵytta biraz jumys atqaryldy, degenmen toqmeiilsýge bolmaidy. Biz 2019 jyly halyqqa kórsetiletin memlekettik qyzmetterdiń 76% ońtailandyrdyq. 2021 jyldyń sońyna deiin bilim berý salasyndaǵy taǵy 9 memlekettik qyzmetti avtomattandyrý josparda bar. Endigi kezekte stýdentterge kórsetiletin memlekettik qyzmetterdiń barlyq túrin avtomattandyrýdy kózdep otyrmyz. Iaǵni, qajet qyzmetti stýdentter óz smartfondary arqyly alatyn bolady», - dedi ministrdiń orynbasary.
Onyń jazýynsha, Qazaqstandaǵy joǵary oqý oryndarynda stýdentterge qyzmet kórsetý ortalyqtarynyń jumys istep jatqanyna birneshe jyl boldy. Ýaqyt kórsetip otyrǵandai, mundai ortalyqtardyń tiimdiligi az.
«Sol sebepti 2021 jyldyń sońyna deiin stýdentterge kórsetiletin bilim berý aiasyndaǵy memlekettik qyzmetterdi avtomattandyrý boiynsha jumys isteimiz. Mektepterge, kolledjderge, joǵary oqý oryndaryna qabyldaý siiaqty qyzmetter de kezeń-kezeńimen tolyǵymen elektrondyq formatqa kóshiriledi. Osylaisha, biyl 1-synypqa qujattardy qabyldaý tek elektrondyq túrde júzege asyrylady.
Memlekettik qyzmetterdi avtomattandyrýdyń jaǵymdy tustary tek bilim alýshylar men olardyń ata-analary úshin ǵana emes, sondai-aq muǵalimderge de qatysty bolmaq. Áleýmettik jelilerdegi paraqshama attestattaýǵa qujattardy tapsyrý kezinde biýrokratiiaǵa tap bolǵan muǵalimderden únemi habarlamalar túsip jatady. Sondyqtan qazirgi ýaqytta muǵalimderimizdiń býma-býma qujattardy jinaýǵa ketetin ýaqytyn zaia jibermei, kerisinshe, biliktilikterin arttyryp, attestattaýǵa daiyndalýǵa múmkindik berý maqsatynda jumys istep jatyrmyz», - deidi Rústem Biǵari.
Osy rette aldyǵa qoiǵan mindetterdiń qalai júzege asyrylatyny týraly aitty.
1.Muǵalim óz portfoliosyn Ulttyq bilim berý derekqoryna (NOBD) júkteidi;
2. Elektrondyq formattaǵy portfoliony barlyq qajetti aqparatpen tolyqtyrady;
3. Testileýge daiyndyq Ulttyq biliktilik testileýine qatysý úshin ótinishterdi qabyldaý testileý biliktilik sanatyn taǵaiyndaý rásimin ótkizý boiynsha attestattaý komissiiasynyń jumysy biliktilik sanatyn berý jalaqyǵa ústemeaqy!
«Iaǵni, biz muǵalimder úshin attestattaýdyń ekinshi kezeńin jeńildetkimiz keledi. Óitkeni ekinshi kezeńge ótken muǵalimder bilim bólimderi men basqarmalarynyń keńsesine, «Azamattarǵa arnalǵan úkimet» nemese egov.kz arqyly qaǵaz ne elektrondy nusqada qujattar toptamasyn tapsyrady. Osy oraida biz bilim berý salasynda halyqqa kórsetiletin barlyq memlekettik qyzmetti ońtailandyrýǵa niettimiz», - dedi ministrlik ókili.
