Foto: Freepik
QR Prezidentiniń keńesshisi – Baspasóz hatshysy Rýslan Jeldibai sońǵy kúnderi oryn alǵan kadrlyq ózgeristerge qatysty túsinikteme berdi. Onyń aitýynsha, bul – ádettegi kadrlyq rotatsiia, al negizgi maqsat – memlekettik basqarý júiesindegi mańyzdy baǵyttardyń tiimdiligin arttyrý, dep habarlaidy Ult.kz.
"Memleket basshysy jýyrdaǵy Joldaýynda ulttyq ekonomikaǵa túsetin investitsiia kólemin arttyrýdy basym mindettiń biri retinde belgiledi.
Bul mańyzdy sala tájiribeli diplomat Murat Nurtileýge júkteldi. Prezidenttiń kómekshisi retinde ol halyqaralyq investitsiialyq jáne saýda yntymaqtastyǵyn ilgeriletý maqsatynda shet memleketterdiń joǵary deńgeidegi ókilderimen, sondai-aq álemdik iri kompaniialardyń jetekshilerimen bailanysty damytady.
Memleket basshysynyń Jarlyǵymen Jaslan Mádiev Premer-ministrdiń orynbasary – Jasandy intellekt jáne tsifrlyq damý ministri bolyp taǵaiyndaldy. Vedomstvo basshysy Joldaýda aitylǵan Qazaqstandy tsifrlyq memleketke ainaldyrý jónindegi maqsatty iske asyrýmen shuǵyldanady. Prezident ministrge strategiialyq mańyzy zor jumysty atqarýǵa qatysty baǵyt-baǵdar berdi.
Sonymen qatar Premer-ministrdiń kelisimi boiynsha Májilis depýtaty Juldyz Súleimenovany Oqý-aǵartý ministri laýazymyna taǵaiyndaý týraly sheshim qabyldandy. Jańa ministr qoǵamdaǵy belsendi qyzmetimen jáne bilim berý salasyndaǵy mol tájiribesimen belgili", - dep jazdy Rýslan Jeldibai.
Aita keteiik, Qasym-Jomart Toqaev ótken aptada Aqordada birqatar kadrlyq aýys-túiis júrgizgen edi.
