Foto: t.me/kazakhmys_news
«Qazaqmys korporatsiiasy» JShS Basqarma tóraǵasy Rýslan Óskenáli jumys sapary aiasynda Geologiialyq klaster men «Jezqazǵan meditsinalyq ortalyǵy» JShS-ny aralady.
Geologiialyq klasterge sapar barysynda kompaniia basshysyna geologiialyq barlaý jumysynyń negizgi baǵyttary men mineraldyq-shikizattyq bazany tolyqtyrýǵa baǵyttalǵan jobalar tanystyryldy. Sondai-aq geologiia salasyna engizilip jatqan tsifrlyq sheshimderge nazar aýdaryldy.
Foto: t.me/kazakhmys_news
Atap aitqanda, Rýslan Óskenálige Qazaq Geophysics kompaniiasy qoldanatyn ushqyshsyz ushý apparattary arqyly júzege asyrylatyn lazerlik 3D-skanerleý tehnologiiasy kórsetildi. Bul tehnologiia kúrdeli jáne qoljetimdiligi qiyn jaǵdaida joǵary dáldikpen keńistiktik deregin alýǵa múmkindik beredi. Osy derek negizinde jer bederiniń, jer asty qazbalary men injenerlik qurylystardyń tsifrlyq modeli jasalady. Bul geologiialyq modeldeý men injenerlik esepteýlerdiń dáldigin aitarlyqtai arttyrady.
Tehnologiia deformatsiiaǵa monitoring júrgizý jáne kólemdi baqylaý maqsatynda paidalanylady. Ony qoldanysqa engizý ónerkásiptik qaýipsizdik deńgeiin arttyryp, jumysty oryndaý merzimin qysqartýǵa, sondai-aq nysandardyń jai-kúii týraly tolyq ári ózekti aqparat alýǵa jol ashady.
Basqarma tóraǵasy «Jezqazǵan» meditsinalyq ortalyǵyna jumys sapary kezinde meditsinalyq kómek kórsetý sapasymen, mekemeniń jabdyqtalý deńgeiimen jáne meditsinalyq personal jumysynyń uiymdastyrylýymen tanysty. Erekshe nazar kásibi aýrýdyń aldyn alý, ónerkásiptik kásiporyn jumyskerlerine meditsinalyq qoldaý kórsetý jáne korporativtik densaýlyq saqtaý júiesin damytý máselelerine aýdaryldy.
Jumys sapary kompaniia basshylyǵynyń zamanaýi tehnologiialardy engizý, óndiris tiimdiligin arttyrý, qaýipsiz eńbek jaǵdaiyn qamtamasyz etý jáne qyzmetkerlerge sapaly meditsinalyq qoldaý kórsetý baǵytyndaǵy josparly jumysynyń bir bóligi boldy.
