QR Úkimetiniń Qaýlysymen Rýslan Baqytjanuly Beketaev basqa jumysqa aýysýyna bailanysty Qazaqstan Respýblikasynyń qarjy vitse-ministri qyzmetinen bosatyldy, dep jazdy primeminister.kz.
Rýslan Beketaev 1975 jyly Ońtústik Qazaqstan oblysynda týǵan. 1996 jyly Qazaq ulttyq agrarlyq ýniversitetin ekonomist–býhgalter mamandyǵy boiynsha bitirgen.
2009-2011 aralyǵynda Ulybritaniiadaǵy Bristol ýniversitetinde «Ekonomika, qarjy jáne menedjment» mamandyǵy boiynsha diplom alǵan.
2010-2011 jyldary Ulybritaniiadaǵy Oksford ýniversiteti, Said atyndaǵy Biznes mektebinde bilimin shyńdaǵan.
2012 – 2014 jyldary Qazaq gýmanitarlyq zań ýniversitetinde «Quqyqtaný» mamandyǵy boiynsha bilim alǵan.
2017 – 2019 jyldary London Ýniversitetiniń Imperial College Biznes mektebin bitirgen. Executive MBA (jetekshilerge arnalǵan biznes-ákimshilendirý magistri).
QR Qarjy politsiiasy agenttigi Tóraǵasynyń qurmet gramotasymen – 2007 jyly, «Eren eńbegi úshin» medalimen – 2008 jyly, «Qarjy qyzmetiniń úzdigi» tósbelgisimen – 2011 jyly, «Qurmet» ordenimen – 2015 jyly marapattalǵan.
